stefna stjórnvalda um uppbyggingu flutningskerfis raforku.
Virðulegi forseti. Ég þakka hæstv. ráðherra svarið. Það er svo sem ekki svar við spurningunni. Staðreyndin er sú að fella á hugtakið „í jörðu“ úr lögunum. Það er þess vegna sem ég spyr: Af hverju á að gera það? Til þess að geta hugsanlega skapað einhverja óvissu þegar kemur að því að taka ákvarðanir um hvernig leggja eigi raflínurnar okkar, í jörðu eða ofan jarðar. Þannig að ég spyr: Hvers vegna á ekki að hafa það inni fyrst það er meginreglan og kemur berlega fram í þingsályktunartillögunni að lagt skuli í jörðu hvenær sem kostur er?