almannatryggingar.

Frú forseti. Ég þakka hv. þingmanni og meðflutningsmanni mínum, Guðmundi Inga Kristinssyni, kærlega fyrir andsvarið og stuðninginn. Ég hef í sjálfu sér fáu við þetta að bæta nema því að ég beini því til hv. velferðarnefndar þegar hún tekur málið til umfjöllunar að skoða þann punkt sem hv. þingmaður bendir á varðandi ákveðna misbresti, ef segja má svo, á skaðabótalögum þegar slys eiga sér stað. Ég veit ekki hvort það sé kannski önnur umræða sem kalli mögulega á annað lagafrumvarp, það er hægt að skoða.