viðbótareftirlit með fjármálasamsteypum.
Virðulegi forseti. Það er kannski ekki við því að búast að það verði mjög mikill viðbótarkostnaður í upphafi af þessu frumvarpi vegna þess að eftir því sem við komumst næst falla engin íslensk fyrirtæki undir þetta núna. En eins og ég benti á í framsöguræðu minni getur það auðvitað breyst. Það hafa verið uppi aðstæður hér á landi þar sem fyrirtæki hafa fallið undir eftirlit af þessu tagi. Hér erum við að reyna að byrgja brunninn áður en barnið dettur ofan í hann. En ég vænti þess að til skemmri tíma verði ekki af þessu viðbótarkostnaður.