kjaramál flugvirkja Landhelgisgæslu Íslands.
Herra forseti. Stjórnvöld eiga á öllum tímum að forðast að grípa inn í kjaradeilur með lagasetningu, enda er samningsréttur launamanna varinn í stjórnarskrá og mannréttindasáttmála Evrópu. Það er á ábyrgð samningsaðila að ná samningum, en stjórnvöld hafa ekki staðið undir þeirri ábyrgð. Sú grafalvarlega staða sem upp er komin í öryggismálum þjóðarinnar er í boði ríkisstjórnarinnar. Stjórnvöld sváfu á verðinum. Ríkisstjórnin hefði átt að gera betur og koma í veg fyrir að neyðarástand skapaðist. Við í Samfylkingunni greiðum frumvarpinu ekki atkvæði. Lagasetningin er á ábyrgð stjórnarflokkanna.