tekjuskattur o.fl.
Forseti. Ég lýsi sárum vonbrigðum mínum yfir því hvernig staðið hefur verið að þessu máli. Ég tel að ríkisstjórnin hafi haft tækifæri til að kynna það og koma þannig fram við okkur í stjórnarandstöðunni að við hefðum hugsanlega getað staðið með þeim í málinu vegna þess að það er auðvitað vilji okkar allra í þessum sal að það verði farsællega leyst. Ég lýsi sárum vonbrigðum mínum yfir að þessari ríkisstjórn tókst ekki að halda þannig á málum að við værum sátt við það sem við okkur hefur verið sagt og það sem okkur hefur verið kynnt.