152. löggjafarþing — 29. fundur, 31. jan. 2022.
biðlisti barna eftir þjónustu talmeinafræðinga.
121. mál
Virðulegi forseti. Ég ætla að nýta tækifærið og minnast á að aðgengi að heilbrigðisþjónustu á landsbyggðinni er oft hreinlega lélegt. Mig langaði að hvetja heilbrigðisráðherra til að hafa varann á í framtíðinni þegar koma slíkar flækjandi reglur eða skilyrði inn í samninga, slíkar hamlanir og takmarkanir hafa gríðarlega mikil áhrif á börn á landsbyggðinni. Mig langaði bara til að hvetja heilbrigðisráðherra til að hafa það í huga.