endurskipulagning þjóðhagslega mikilvægra atvinnufyrirtækja.
Frú forseti. Þetta var eiginlega ekki andsvar, þetta var meðsvar, en ég ætla að svara því samt. Ég held að mjög mikilvægt sé að nefndin fari mjög ítarlega í gegnum allar hugmyndir sem bæði þingmenn og umsagnaraðilar hafa til lausnar á þeim vanda að ríkið er að eignast öll fyrirtæki í landinu meira og minna. Við þurfum að vinna að þessu sameiginlega og þvert á flokkslínur. Ég tek því undir og fagna því að hæstv. fjármálaráðherra er tilbúinn til að vinna að þessu. Ég mundi gjarnan vilja að hlustað sé á allar raddir og reynt að finna eins góða lausn á málinu og hægt er vegna þess að ég held að flestir sé á þeirri skoðun að það sé ekki gott að ríkið eigi allt atvinnulíf í landinu.