149. löggjafarþing — 33. fundur, 19. nóv. 2018.
fjárlög 2019.
1. mál
Hæstv. forseti. Ég þakka hæstv. ráðherra fyrir þetta svar. Hann talar um að verið sé að vinna að bótum í þeim málum. Íbúðalánasjóður hefur einmitt bent á að vaxtabætur nái vart því hlutverki að stuðla að húsnæðis- og öryggismálum landsmanna miðað við núverandi aðstæður. Það er ansi ámælisvert ef Íbúðalánasjóður bendir á það og vil ég árétta við ráðherrann að hraða þeirri vinnu þannig að við getum lagað þau mál.