ríkisábyrgð á lántöku Tryggingarsjóðs innstæðueigenda og fjárfesta.
Virðulegi forseti. Með hliðsjón af 4. mgr. 10. gr. þingskapa um lengd fundartíma, vil ég gjarnan fá þær upplýsingar hjá hæstv. forseta hvenær var farið fram á beiðni um kvöldfund. Laugardagar eru ekki reglulegir þingfundadagar og það stendur í 4. mgr. 10. gr. hvernig fara eigi með þessa hluti. Mig rekur ekki minni til þess að hæstv. forseti hafi farið fram á kvöldfund. Það verður ekki gert nema formenn þingflokka samþykki það eða þingið greiði um það atkvæði. Hvenær í dag kom sú beiðni fram af hálfu hæstv. forseta?