fjárlög 2021.
Virðulegi forseti. Við greiðum hér atkvæði um að leggja 350 milljónir í uppbyggingu sjóvarnargarðs í Njarðvík. Það er forsenda þess að þar verði stofnaður skipaþjónustuklasi sem mun skapa 200–300 ný störf á svæðinu. Það mun færa þjónustu við stærri fiskiskip inn í framtíðina með glæsilegri aðstöðu þar sem fjöldi fyrirtækja ætlar að koma saman og byggja upp skipaklasa. Þetta hefur auðvitað mjög jákvæð áhrif á atvinnulíf á Suðurnesjum. Fjölbreytileiki þess eykst og þessi fjárveiting kemur bæði á hárréttum tíma og fer í mjög gott mál.