fjárlög 2021.
Herra forseti. Þær átta náttúrufræðistofur með færum sérfræðingum sem starfa í landshlutunum skipta miklu máli fyrir byggðirnar, byggðastefnuna, vísindin og umhverfismál. Nú þegar er í gildi samstarfssamningur milli ráðuneytisins og náttúrustofanna og það var stórt framfaraskref sem ríkisstjórnin tók með náttúrustofunum fyrst allra ríkisstjórna. Hér er verið að úthluta náttúrustofunum viðbótarfé sem á að efla þær eins og unnt er við núverandi aðstæður. Þetta er jákvætt skref og ekki það síðasta. Náttúrustofurnar geta stækkað og þær eiga að gera það með frekari stuðningi ríkisins.