151. löggjafarþing — 36. fundur, 11. des. 2020.
fjárlög 2021.
1. mál
Forseti. Vegna athugasemda hv. þm. Bergþórs Ólasonar var gott að þingforseti útskýrði hvernig þessu var háttað sem hafði að gera með skipan 15 dómara í Landsrétt. Í lögum um skipan dómaranna er kveðið á um eitthvað sem Alþingi hefði að sjálfsögðu þurft að fylgja, þ.e. eigin lögum. Forseti hefur útskýrt það. Jafnframt vil ég benda á að þingmenn minni hlutans greiddu allir atkvæði gegn þeirri tillögu sem var lögð fyrir í heild sinni af meiri hluta hv. stjórnskipunar- og eftirlitsnefndar á þeim tíma (Forseti hringir.) og hún var felld með bara einu atkvæði.
(Forseti (SJS): Þetta getur nú tæplega talist atkvæðaskýring við … )
Fyrst forseti opnaði á þessa samræðu vildi ég að þetta væri landsmönnum skýrt.
