fjársýsluskattur.
Ég þakka hv. þingmanni fyrir ábendinguna. Það er um leið ástæða til að segja frá því að á fundum efnahags- og viðskiptanefndar og við umfjöllun um þetta mál kom raunar úr ranni fjármálafyrirtækjanna sú hugmynd að eðlilegt væri að leggja mat á þann kostnað sem hlotist hefði af áföllunum í fjármálakerfinu og um leið mat á því hvaða viðbótarkostnað bankakerfið hefur tekið á sig í framhaldinu. Ef löggjafinn vísaði til þess kostnaðar sem af þeim hefði hlotist lægi fyrir mat á kostnaðinum og menn gætu síðan skoðað hverju fjármálakerfið væri að skila til baka. Ég held að það sé út af fyrir sig ágæt hugmynd.