vitamál.
Forseti. Ég mæli fyrir nefndaráliti um frumvarp til laga um breytingu á lögum um vitamál, nr. 132/1999, með síðari breytingum.
Frumvarpið felur í sér hækkun vitagjalds í samræmi við verðlagsbreytingar frá síðustu hækkun gjaldsins, um 5% í 136,62 kr., og að lágmarksgjald verði einnig hækkað um 5%, þ.e. í 5.145 kr. úr 4.900 kr. Gjaldtakan snertir skip sem sigla við strendur landsins og hafa viðkomu í höfnum. Gjaldtökunni er ætlað að standa straum af kostnaði við rekstur og framkvæmdir á vegum Siglingastofnunar Íslands.
Meiri hlutinn áréttar mikilvægi þess að gjaldskrár séu uppfærðar reglulega í samræmi við verðlagsþróun. Vitagjald var síðast hækkað árið 2009 en þá hafði það ekki hækkað í sjö ár.
Meiri hlutinn leggur til að frumvarpið verði samþykkt óbreytt.
Undir þetta álit skrifa auk mín, hv. þingmenn Ólína Þorvarðardóttir, Þuríður Backman, Mörður Árnason, Róbert Marshall og Atli Gíslason.