139. löggjafarþing — 41. fundur, 30. nóv. 2010.
tekjuskattur.
300. mál
Frú forseti. Ég þakka hæstv. ráðherra fyrir svarið. Það gefur nefndinni þá færi á því að taka upp einhverja heildstæða og rökræna stefnu í þessu vegna þess að þessi lausn er ekki rökrétt. Hún er takmörkuð, hún á bara við um sjúkdómatryggingar — en hvað með allar aðrar tryggingar? Ég á sæti í efnahags- og skattanefnd sem fær þetta til umfjöllunar og ég mun leggja mikla áherslu á að þetta verði gert þannig að í því sé einhver rökhugsun.