skipun í stjórn Ríkisútvarpsins.
Virðulegur forseti. Staða RÚV er mjög mikilvæg og traust til RÚV er mjög mikið. Ég held að það sé þokkaleg sátt um mikilvægi fjölmiðla og mikilvægi RÚV á fjölmiðlamarkaði en líka að RÚV er mjög fyrirferðarmikið.
Þingmaðurinn spyr hvort ég telji að RÚV sé rekstrarhæft og hver staðan sé á því. Mitt svar er að við förum núna mjög gaumgæfilega yfir allar athugasemdir sem fram koma í skýrslu Ríkisendurskoðunar, enda ítreka ég að það var ráðherra sem bað um skýrsluna, m.a. vegna þess að ég taldi að það þyrfti að fara betur ofan í saumana á vissum þáttum. Skýrslan er mjög gagnleg hvað það varðar, hún er til vinnslu og er notuð þegar verið er að undirbúa þjónustusamning við RÚV.