fjárlög 2019.
Herra forseti. Ég get tekið undir hvert orð í atkvæðaskýringu [Hlátur í þingsal.] hv. þingmanns þó að um annan lið hafi verið að ræða. En hér er lagt til að framlög til uppbyggingar hjúkrunarrýma verði hækkuð um 500 millj. kr. Ríkisstjórnin skar niður á milli 1. og 2. umr. fjárlaga um 1 milljarð, þau áform sem voru til uppbyggingar. Á sama tíma fáum við fréttir af því að fjölgað hafi á biðlistum um 100 á milli ára. Hér er brýn þörf og nauðsynlegt að gera betur. Og það sem meira er, þessi skortur á hjúkrunarrýmum veldur gríðarlega miklum kostnaðarauka í heilbrigðiskerfinu. Landspítalinn glímir m.a. við fordæmalausan fráflæðisvanda vegna skorts á rýmum.
Ég segi því já.