140. löggjafarþing — 46. fundur, 20. jan. 2012.
afturköllun ákæru á hendur Geir H. Haarde, fyrrv. forsætisráðherra.
403. mál
Virðulegi forseti. Já, það er greinilegt að einhverjir aðrir flokkar þurfa þá að taka það til sín að vera undir flokkslegum pólitískum þrýstingi og línum í því hvernig þeir greiða atkvæði. [Kliður í þingsal.] Í það minnsta er það ekki Samfylkingin, hún gerði það ekki á sínum tíma þegar þetta mál var til afgreiðslu og ég á ekki von á því að hún geri það heldur í afgreiðslunni í dag. (GBS: Hverjir hafa áhrif?)