fjárlög 2024.

Virðulegi forseti. Ég tek heils hugar undir þessa breytingartillögu frá hv. þm. Birni Leví Gunnarssyni. Ég hefði viljað sjá hv. fjárlaganefnd ganga lengra í breytingartillögum sínum hvað varðar kolefnisgjaldið. Svo vona ég líka að við sjáum í framtíðinni, vonandi á næsta ári, að við víkkum út gildissvið kolefnisgjalds þannig að það nái utan um alla losun sem fellur ekki þegar undir ETS-kerfið, enda erum við að standa okkur frekar illa í því að standast alþjóðlegar skuldbindingar okkar á sviði umhverfis- og loftslagsmála.