fjárlög 2024.

Forseti. Við erum með tvær breytingartillögur hérna sem varða íslenskukennslu fyrir útlendinga, eina frá 1. umræðu þegar staðan var sú að 115 millj. kr. framlag til íslenskukennslu hafði fallið niður í fjárlagafrumvarpinu. Þá lögðum við til 230 millj. kr. hækkun, sem sagt að tvöfalda það framlag sem hafði verið á þessu ári. Breytingartillagan núna er einmitt til að bæta því við en við höldum hinni inni í kjölfar þess sem hefur gerst að undanförnu, það er ekki vanþörf á íslenskukennslu. Þannig að við höfum fyrst tækifæri til að greiða atkvæði um 115 millj. kr. aukningu og síðan um 230 millj. kr. aukningu.