138. löggjafarþing — 46. fundur, 16. des. 2009.
hlutafélög og einkahlutafélög.
71. mál
Virðulegi forseti. Ég vil mótmæla því sem fullyrt var hér áðan að svona ákvæði breyti litlu eða engu. Eins og ég gat um í máli mínu hækkaði hlutfall kvenna í stjórnum hlutafélaga úr 9% í 36% eftir að Norðmenn settu þetta ákvæði inn í lögin. Það er því ekki hægt að halda því fram að lagasetning sambærileg við það sem við erum að leggja til í 1. minni hluta viðskiptanefndar sé gagnslaus.