sjálfstætt eftirlit með starfsemi og starfsháttum lögreglu.
Virðulegur forseti. Við munum nú greiða atkvæði um að efla sjálfstætt eftirlit með starfsemi lögreglu. Þetta er gert með hagsmuni lögreglunnar og réttaröryggi borgaranna í huga en þetta er líka gert til að koma til móts við okkar alþjóðlegu skuldbindingar. Okkur ber skylda til að tryggja sjálfstæða og óháða rannsókn á starfsháttum lögreglu sem kunna að takmarka, skerða eða brjóta á réttindum borgaranna. Þetta er nokkuð sem við þurfum að hafa í lagi en höfum ekki haft í lagi og það er mjög ánægjulegt að við séum að stíga hér stór skref í þá átt í dag.