fjáraukalög 2015.
Virðulegur forseti. Hv. formaður fjárlaganefndar talaði um það rétt áðan að í fjárlögunum væri verið að bregðast við ófyrirséðum kjarahækkunum. Þessi breytingartillaga gengur út á að aldraðir og öryrkjar njóti sömuleiðis þessarar óvæntu breytingar í kjaramálum.
Þetta er ekki róttæk tillaga. Þvert á móti er þetta algjörlega sjálfsögð tillaga um einfalt réttlætismál. Það er mér eiginlega mikill heiður að segja já við tillögunni og ég hvet þingheim allan til þess að fylkja sér á bak við hana, alla vega þá sem ekki hafa nú þegar greitt atkvæði.