umboðsmaður Alþingis.

Herra forseti. Við greiðum atkvæði um afar mikilvægt mál, þ.e. að fela umboðsmanni Alþingis að hafa eftirlit með þeim stöðum þar sem frelsissviptir einstaklingar dvelja. Um er að ræða fangelsi á vegum ríkisins en einnig ýmiss konar stofnanir, bæði á vegum ríkisins sem og á vegum einkaaðila. Með þessu felum við umboðsmanni samkvæmt lögum um umboðsmann að annast þetta eftirlit. Taldi stjórnskipunar- og eftirlitsnefnd afar viðeigandi að fela því embætti þetta eftirlit, enda er það með öllu óháð embætti. Með þessu fullgildum við bókun við samning Sameinuðu þjóðanna gegn pyndingum og ómannlegri meðferð.