vernd og orkunýting landsvæða.
Herra forseti. Ég spyr hv. þm. Sigurð Inga Jóhannsson: Af hverju vill hann kalla biðflokkinn, eða það sem ég segi rannsóknarflokk, geymsluflokk? Ég hef ekki skilið málið þannig og ekki lögin nr. 48/2011. Þarna skortir vísindaleg rök og faglega vinnu. (Gripið fram í.) Það eru nægir orkukostir í boði í næstu framtíð þó að biðflokkurinn verði mun stærri.
Í framhaldinu, þegar fyrir liggur að það vantar rannsóknir á ýmsum sviðum sem ég nefndi í fyrra andsvari mínu, m.a. liggja ekki fyrir rannsóknir á samfélagslegum áhrifum ýmissa virkjana, t.d. Hólmsárvirkjunar, þá spyr ég hv. þingmann: Hvernig túlkar hann varúðarregluna út frá því sjónarmiði, sem er rauði kjarninn í allri þessari vinnu, og aðrar grunnreglur umhverfisréttar?