stuðningur stjórnarliða við fjárlögin.
Hæstv. forseti. Ég treysti umræddum þingmönnum ágætlega til að berjast fyrir þeim stefnumarkmiðum og hugsjónum sem þeir lofuðu kjósendum sínum þegar þeir voru kjörnir til Alþingis.
Hvað varðar stuðning við ríkisstjórnir reynir á það á beinan hátt einvörðungu þegar borið er fram vantraust á ríkisstjórn. Þá reynir á það hvort ríkisstjórn nýtur meirihlutafylgis eður ei. Það er staðreynd.
Ég vara við því að reyna að leiða málefnalegan ágreining ofan í persónulegar skotgrafir eins og ég hef grun um að hér sé verið að gera og hefur því miður einkennt íslenska stjórnmálaumræðu í allt of ríkum mæli (Gripið fram í: Þú þekkir það.) á undanförnum árum. Það þekkja, já, þingmenn Sjálfstæðisflokksins mjög vel. Það eru hjólför sem við eigum að reyna að hefja okkur upp úr.