Raforkulög.
Jóhann Ársælsson (Sf):
Hæstv. forseti. Um áramótin koma til framkvæmda raforkulögin sem voru samþykkt á síðasta þingi þar sem gagnger breyting verður á framleiðslu, flutningi, dreifingu og sölu á raforku í þessu landi. Komið hafa upp ýmis atriði sem menn töldu að þyrfti að færa til betri vegar. Frumvarpið kom mjög seint fram og fór á miklu hraði í gegnum nefndina en við samfylkingarmenn teljum að breytingarnar sem eru í því fólgnar séu allar saman jákvæðar og að verið sé að færa hluti til betri vegar. Þess vegna styðjum við málið.