atvinnuleysistryggingar og málefni aldraðra.
Virðulegi forseti. Eins og áður hefur komið fram eru í þessu frumvarpi nokkrir jákvæðir þættir en einnig aðrir þættir sem eru vanreifaðir og ekki er ljóst hvaða áhrif hafa. Við framsóknarmenn munum því sitja hjá við þessa afgreiðslu á heildarfrumvarpinu.
Ég vildi líka koma upp og óska þess að ríkisstjórnin væri jafndugleg við að vinna að góðum málum sem snerta atvinnumál og atvinnuuppbyggingu, setti jafnmikinn kraft í það og önnur mál sem hafa snert ríkisvæðingu, skattstefnu og niðurskurð því að kannski væri ekki þörf á þessu frumvarpi ef atvinna mundi aukast, ef við værum ekki sífellt að reyna að stoppa í göt vaxandi atvinnuleysis og langtímaatvinnuleysis.