almenn hegningarlög.
Virðulegi forseti. Ég þakka hv. þingmanni fyrir andsvarið. Ég er alveg sammála henni um að við þurfum að skoða þetta kerfi og þá sérstaklega með hegningarlögin í huga. Ef ég skil hana rétt tek ég undir að það ofboðslega mikilvægt að við ráðumst í einhvers konar þarfagreiningu þar sem við skoðum þessa jaðarhópa og hvernig réttarkerfið tekur einmitt á móti þeim og hvernig þau nýta það. Ég tel það ofboðslega góða tillögu og legg til að við skoðum jafnvel í sameiningu að leggja fram þingsályktunartillögu þess efnis að farið verði í slíka þarfagreiningu og málið skoðað almennilega. Það er mikilvægt að þessir jaðarhópar treysti þeim aðilum sem þeir leita til og sömuleiðis að þessi mál skili sér inn í réttarkerfið.