fjárlög 2016.
Virðulegi forseti. Nú ætla ég að greiða atkvæði með stjórnarmeirihlutanum því að ég tel að 200 millj. kr. aukning úr 315 millj. kr. sé veruleg viðbót.
En ég vek athygli á því að það þarf samt að ganga lengra. Meira fjármagn vantar vegna þess að bætt fjarskipti og ljósleiðaravæðing eru eitt brýnasta byggðamálið sem við stöndum frammi fyrir í dag, því að það er grundvallarskilyrði fyrir landsbyggðina og landið í heild og sérstaklega landshlutana að geta bætt samkeppnisstöðu sína og verið samkeppnishæf til þess að efla atvinnulíf og bæta búsetuskilyrði í byggðum landsins. Það þarf að hraða þessari uppbyggingu umtalsvert miðað við það sem hefur verið.
En ég skal játa það að þarna er vel í lagt að þessu sinni og þetta er mjög gott fyrsta skref og ég ætla að greiða þessu atkvæði.