landshlutabundin orkufyrirtæki.
Virðulegi forseti. Mér þykir miður að hæstv. ráðherra skuli sjá svona marga annmarka á þeirri hugmynd sem felst í fyrirspurninni. Ég hefði talið landsvæðinu verulega til ávinnings ef menn hefðu fikrað sig í þá átt.
Mig langar að hvetja hæstv. ráðherra þrátt fyrir þetta til þess að líta á framleiðsluna á þessu svæði meira í samhengi við atvinnusköpun á sama landsvæði, hugsa sérstaklega til Blönduvirkjunar og beita sér fyrir því að raforka sem þar er framleidd verði notuð til atvinnusköpunar á Norðurlandi. Ég tel algjörlega nauðsynlegt að stjórnvöld átti sig á og reyni að tvinna saman auðlind til landsins og nýtingu þeirra og búsetuna. Á því er mikil (Forseti hringir.) þörf, virðulegi forseti.