fjárlög 2016.
Forseti. Ég vil bæta við það sem ég sagði áðan að mér finnst mjög sorglegt að það lítur út fyrir að engar af þeim sameiginlegu tillögum sem við lögðum fram í minni hlutanum verði samþykktar. Mér finnst líka mjög sorglegt að vita til þess að ekkert hefur komið fram og ekkert hefur heyrst í hæstv. menntamálaráðherra um hvort útvarpsgjaldið verði lækkað eða hvort tillaga ráðherrans verði samþykkt á milli umræðna. Mér finnst mjög vont þegar stórum hópum samfélagsins er haldið í einhvers konar limbói. Það hefur gerst gagnvart öldruðum og öryrkjum. Það hefur gerst gagnvart Ríkisútvarpinu og það hefur gerst gagnvart sjúklingum landsins, því að ástandið á Landspítalanum er mjög hættulegt og háskalegt. Ekki er brugðist við því á nægjanlega skilvirkan máta í þessum fjárlögum og það er miður.