Ríkisútvarpið ohf.
Virðulegur forseti. Þetta frumvarp gerir hvorugt, að efla Ríkisútvarpið sem almannaútvarp né að einkavæða það, heldur verður úr einhvers konar viðrini. Hæstv. landbúnaðarráðherra til upplýsinga þá á ríkið að vera eins og hestur í hafti á samkeppnismarkaði.
Óeðlileg samkeppnisstaða Ríkisútvarpsins ohf., léleg fjárhagsstaða þess og sá skattur sem óvinsælastur verður allra skatta í sögu landsins, nefskattur Þorgerðar Katrínar Gunnarsdóttur, mun skapa viðvarandi ósætti um þessa stofnun og að lokum ríða henni á slig ef ekki vildi svo vel til að 12. maí næstkomandi gefst kjósendum færi á að segja þeim stjórnendum Framsóknar- og Sjálfstæðisflokks upp störfum sem svo illa halda á málum. Ég segi nei.