141. löggjafarþing — 58. fundur, 20. des. 2012.
fjárlög 2013.
1. mál
Herra forseti. Þarna er verið að skera það sem síst skyldi. Það er sagt að nám sé vinna. Þetta er sérstakt framlag til náms atvinnulausra, gríðarlega þýðingarmikið. Það er flutt á allt annan stað í allt öðrum tilgangi til að stytta nám ungra nema við framhaldsskólana eins og kom fram í skýringu Lilju Mósesdóttur hér áðan. Þetta er óásættanlegt, ég á við hvað atvinnuleysisbölið og afleiðingar þess eru verulegar.