stuðningur við börn af erlendum uppruna.
Virðulegi forseti. Ég þakka hæstv. ráðherra svörin. Hann kallaði eftir því að við ættum hér samtal um staðreyndir. Þetta eru staðreyndir málsins. Svona lítur þjónustan út gagnvart börnum í landinu og ekki síst gagnvart börnunum í Reykjavík. Þar er helmingur þessa hóps. Og gleymum því ekki að sveitarstjórnarstiginu var beitt aftur og aftur á síðasta kjörtímabili til að draga úr kostnaði og ábyrgð ríkissjóðs. Vinnan er hjá sveitarfélögunum. Kostnaðurinn er hjá sveitarfélögunum, ábyrgðin er hjá sveitarfélögunum og þau og börnin sem þurfa á þjónustunni að halda verða að geta treyst því að fjármagn fylgi. Þegar talað er um að fjárfesta í fólki gengur ekki bara að senda reikninginn annað. Það gengur ekki og það er ekki boðlegt.
Ég endurtek spurninguna vegna þess að við erum að ræða staðreyndir málsins: Hyggst ráðherra sveitarstjórnarmála, innviðaráðherra, beita sér með öðrum hætti á þessu kjörtímabili en ríkisstjórnin gerði á því síðasta?