sala á eignarhlutum ríkisins í fjármálafyrirtækjum.
Virðulegi forseti. Í þessari grein birtist algjört valdaafsal Alþingis. Í henni stendur:
„Ráðherra tekur ákvörðun um hvort tilboð skuli samþykkt …“
Þetta er ekki í samræmi við niðurstöðu þingmannanefndarinnar um það að Alþingi eigi ekki að vera verkfæri í höndum framkvæmdarvaldsins. Í greininni eru heldur engar skorður settar við því að ríkið selji hrægammasjóðum eignarhluti sína.
Ráðherra getur jafnframt tekið hvaða tilboði sem er, jafnvel sölutilboði sem er undir verðmati á eignarhlutum ríkisins.
Frú forseti. Við eigum að hafna þessari grein.