persónuvernd og vinnsla persónuupplýsinga.
Forseti. Ég þakka hæstv. ráðherra fyrir svörin. Það kemur fram í greinargerð frumvarpsins að sérstaklega hafi verið óskað eftir umsögn Persónuverndar en þá umsögn er hvergi að finna. Stofnunin hefur veitt umsögnina, það kemur fram í greinargerðinni, og það stendur að sérstaklega hafi verið tekið tillit til þeirra athugasemda. En umsögnina er hvergi að finna og hún var ekki í samráðsgátt Stjórnarráðsins. Mig langar að spyrja hæstv. ráðherra hvers vegna umsögnin var ekki birt og hvort hann teldi ekki rétt að birta hana.