stjórn fiskveiða o.fl.

Forseti. Hæstv. ráðherra gleymdi reyndar að svara spurningu minni sem var hvort einhverjar útgerðir hefðu verið að óska eftir þessu. En mig langar að spyrja hæstv. ráðherra annarrar spurningar. Nú er bláuggatúnfiskur á lista alþjóðlegu náttúruverndarsamtakanna IUCN, International Union for Conservation of Nature, válista yfir dýr eða það sem á ensku kallast „endangered“ þar sem þeim fækkar mjög hér í Atlantshafi. Nú flutti hæstv. ráðherra frumvarp þegar hann var umhverfisráðherra á síðasta kjörtímabili sem fjallaði um vernd dýra á válista og langar mig því að spyrja: Af hverju erum við hér með frumvarp um veiðar á dýri á válista?