skýrsla forseta um öryggismál tölvukerfis Alþingis.
Forseti þakkar þingmönnum fyrir þessa umræðu, ábendingar og spurningar. Það er alveg ljóst að forseti telur þetta alvarlegt mál og því verður fylgt eftir. Forseti vill einnig geta þess að í öllum atriðum þessa máls fór hann að ráðum bæði lögreglunnar og yfirmanna tölvudeildar og yfirmanna í þinginu. Forsætisnefnd mun, ásamt þingflokksformönnum, fara yfir þetta mál. Það verður tekið á öryggisreglu, það hefur verið gert, við munum fara yfir allar reglur og ef þeim er ábótavant í einhverjum efnum munum við ráða bót á þeim. Sömuleiðis munum við hafa samband við alla þá sem hafa komið að þessu máli, m.a. lögregluna, og þar verður þeirra spurninga spurt sem menn hafa komið hér fram með í þessari umræðu.
Forseti þakkar umræðuna og vill fullvissa þingmenn um að málinu verður fylgt eftir af festu.