verslun með áfengi og tóbak o.fl.

Hæstv. forseti. Mig langar að spyrja hv. þingmann hvort hann hafi kynnt sér erindi sem hefur verið sent til ESA varðandi það að áhrif frumvarpsins, ef samþykkt verður, geti farið í blóra við 11. gr. EES-samningsins þar sem ríkið sé að afhenda sölu, sem er vissulega skilyrt í EES-samningnum, einkaaðilum sem eru með 92–95% af markaðnum?

Það kom fram í máli hv. þingmanns að frá því bjórinn var leyfður hefur áfengisneysla á mann aukist gríðarlega. Það er svo merkilegt að hún hefur aukist mest í sölu á veitingastöðum sem virðist færa okkur heim sanninn um að aukið framboð og meiri tiltjöldun auki söluna.

Þar sem hv. þingmaður er verseraður í norrænu samstarfi langar mig að spyrja hann hvaða áhrif hann telji að 11 lítra neysla af hreinum vínanda á mann á Íslandi á ári muni hafa, því að það er víst sambærilegt við það sem Danir eiga við að glíma núna.