meðferð krónueigna sem háðar eru sérstökum takmörkunum.
Herra forseti. Því er til að svara að ekki má búast við að þetta skref verði verulegt skref. Þetta er fyrst og fremst formsatriði eins og ég upplýsti hér í framsöguræðu minni, til að við uppfyllum öll skilyrði sem alþjóðasamningar okkar skuldbinda okkur til.
Segja verður um spurningu hv. þingmanns, hvort þetta virðist ganga samkvæmt áætlun, að ef við horfum á þróunina var snjóhengjan svonefnda, ef ég man rétt, um 600 milljarðar í upphafi. Nú eru, eftir síðasta tilboð, innan við 100 milljarðar eftir. Þar af eru ákveðnar fjárhæðir sem menn áttu nú ekki von á að færu. Það eru til dæmis fjárfestingar í hlutabréfum sem eru um 20 milljarðar kr. Ég held að í stórum dráttum fari þetta eftir áætlun.