ríkisábyrgð á lántöku Tryggingarsjóðs innstæðueigenda og fjárfesta.
Virðulegi forseti. Við sem hér sitjum í kvöld gáfum kost á okkur til starfa á hinu háa Alþingi til að vinna heiðarlega og einarðlega að endurreisn Íslands. Það var og er ljóst að á leiðinni til endurreisnar eru björg sem ryðja þarf úr vegi. Við vorum ekki kosin til að hringsnúast í kringum þessi björg, heldur til þess að ryðja þeim úr vegi. (Gripið fram í: … þjóðarvilja.) Sá ruðningur er hvorki einfaldur né auðveldur en hann þarf að fara fram af fullum krafti. (Gripið fram í.)
Ég vildi að við bærum gæfu til þess að taka höndum saman í hreinsunarstarfinu og hættum að dansa frestunardans í kringum vandann. Þess vegna segi ég já.