145. löggjafarþing — 68. fundur, 27. jan. 2016.
þjóðfáni Íslendinga og ríkisskjaldarmerkið.
156. mál
Hæstv. forseti. Ég vil bara nýta tækifærið og fagna því sérstaklega að þetta merkilega og góða mál er komið til atkvæðagreiðslu. Ég styð það heils hugar.
Það hefur verið ansi lengi í meðförum þingsins enda borgar sig alltaf að vanda sig í öllum málum, þessu sem öðrum. Ég tel þetta vera mikið framfaraskref fyrir íslenska framleiðslu. Mjög margir hafa beðið lengi eftir þessari lagabreytingu. Þetta er gott mál og góður dagur.