fjáraukalög 2008.
Hæstv. forseti. Þetta frumvarp til fjáraukalaga kom ótrúlega seint fram á Alþingi. Það kom fram (Gripið fram í.) þegar 2. umr. um fjárlög hófst, hæstv. iðnaðarráðherra, og ekki er góður bragur á því. Þetta frumvarp er illa reifað og mikilvægar upplýsingar vantar og margt er óljóst.
Ég vek athygli á að margar grunnstofnanir eru látnar draga með sér rekstrarhalla yfir á næsta ár þar sem bætist við niðurskurður fjárheimilda. Ég tel að tekjuáætlun frumvarpsins sé ofáætluð, því miður.
Hv. þingmenn Framsóknarflokksins munu sitja hjá við atkvæðagreiðsluna enda er þetta mál alfarið á ábyrgð stjórnarmeirihlutans á Alþingi.