aðildarviðræður við Evrópusambandið (skýrsla).
Virðulegur forseti. Það eru líka aðrir annmarkar á þessari skýrslu. Hún svarar til dæmis ekki á fullnægjandi hátt hver framtíð evrunnar sé og ef við tökum upp evru hvaða áhrif það hafi á íslenskt efnahagslíf og kjör fólksins í landinu. Þess vegna er ég þeirrar skoðunar, og spyr hvort hv. þingmaður sé ekki sammála því, að til þess að fylla upp í þetta sé nauðsynlegt að bíða eftir skýrslu Alþjóðamálastofnunar sem mun væntanlega fjalla um þessi mál út frá öllum hliðum er varða kjör fólksins í landinu.
Síðan vil ég líka spyrja hv. þingmann af því að það er talað svo mikið um ómöguleika og að ríkisstjórnin geti ekki farið að vilja þjóðarinnar, það sé ómögulegt: Getur ekki verið að ríkisstjórn sem ekki getur farið að vilja þjóðarinnar sé ómöguleg og það sé kannski hættan sem (Forseti hringir.) stjórnvöld telja að steðji að verði farið í (Forseti hringir.) þjóðaratkvæðagreiðslu um málið?