meðferð krónueigna sem háðar eru sérstökum takmörkunum og gjaldeyrismál.

Herra forseti. Ég þakka hv. þingmanni andsvarið. Ég verð bara að segja að hv. þingmaður er ekki nægilega upplýstur um þetta mál. Það er búið að láta reyna á það fyrir dómstólum og vogunarsjóðirnir töpuðu þeim málum. Þetta veit hv. þingmaður. Við erum því í fullum rétti til að halda því til streitu að hér fari aðilar út á sama gengi og aðrir. Það varðar ekkert trúverðugleika okkar erlendis, einhvern neikvæðan trúverðugleika. Það varðar miklu frekar þann trúverðugleika að við stöndum á rétti okkar. Við höfum fullkominn rétt til þess að standa á honum. Þessir vogunarsjóðir eru í flestum tilfellum þess eðlis að þeir svífast einskis. Það kunna að vera einhverjir aðrir þarna inn á milli sem eiga einhverjar upphæðir. En vogunarsjóðirnir munu reyna allt og við sjáum það þegar þeir reyna að hafa áhrif á kosningar hér á landi að þeim er algerlega sama um allt sem heitir siðferði í þessum efnum. Þetta veit hv. þingmaður og ég skil ekki að hann skuli hafa áhyggjur af því að þetta varði trúverðugleika okkar. Þvert á móti.