146. löggjafarþing — 72. fundur, 26. maí 2017.
fjármálaáætlun 2018--2022.
402. mál
Hæstv. forseti. Ég þakka þingmanninum svarið. Já, áætlun hljómar vel og tek ég undir það.
Annað mál tengt landsbyggðinni er móttaka ferðamanna úti á landi. Nú er álagið orðið mikið á Suður- og Vesturlandi, Gullni hringurinn og allt það, og um hugmyndir um ferðamannaþjónustu á Norður- og Austurlandi hefur verið talað lengi en lítið skeð. Þá spyr ég þingmanninn: Hvernig gæti hið opinbera komið til móts við uppbyggingu ferðamannaþjónustu úti á landi?