fjármálaáætlun 2018--2022.
Virðulegi forseti. Fjármálaáætlun 2018–2022 er vitnisburður og staðfesting um mjög yfirgripsmikil kosningasvik. Þetta er pappír sem endurspeglar þá niðurstöðu ríkisstjórnarflokkanna þriggja að ekki stendur til að byggja upp í heilbrigðiskerfinu, menntakerfinu eða í innviðum. Það sem við sjáum hér er mjög hörð hægri stefna Sjálfstæðisflokksins í boði fyrrum flokksfélaga í Viðreisn, sem eru þar tímabundið en væntanlega á leið inn í Sjálfstæðisflokkinn, því að þar eiga þau sannarlega heima, og í boði Bjartrar framtíðar sem þóttist boðberi nýrra stjórnmála. Þeirra sé skömmin.