losun og móttaka úrgangs frá skipum.
Herra forseti. Örstutt athugasemd um mál hv. þingmanns sem talaði áðan. Ég er henni ósammála, hafi ég skilið hana rétt, um að hægt sé að líta á gjaldið sem skatt. Mér fannst hv. þingmaður tala þannig að þrátt fyrir þær breytingar sem hæstv. ráðherra leggur til líti hún eftir sem áður á það sem skatt. Ég er þeirrar skoðunar að ekki sé hægt að líta á þetta sem skatt vegna þess að það segir skýrt að gjaldið eigi að ráðast af tegund og magni þess úrgangs sem afhentur er í hverri höfn. Þá finnst mér að meginmunur sé þar á slíkri gjaldtöku annars vegar og hins vegar skattheimtu.