frumvörp um stjórn fiskveiða og veiðigjöld.
Virðulegi forseti. Það er fráleitt að halda því fram að það að gera athugasemd við að hæstv. sjávarútvegsráðherra mæli fyrir sínu grundvallarmáli séu menn þar með að kasta rýrð á hæstv. starfandi sjávarútvegsráðherra, auðvitað er það ekki þannig, auðvitað er það útúrsnúningur af hæstv. utanríkisráðherra að tala með þeim hætti. Hann veit betur, hæstv. ráðherra, þótt hann sé nú óvenjulega hvumpinn í dag.
Það er nú þannig (Gripið fram í.) að hér er um að ræða eitt — ásamt fleirum, hæstv. ráðherra — að þetta mál hefur verið eitt af megináherslumálum ríkisstjórnarinnar. Það hlýtur þá að vera svo að þeir þingmenn sem ætla að taka þátt í þeim umræðum hér í dag vilji tala við þann hæstv. ráðherra sem ber ábyrgð á málinu og undirbjó það og stendur fyrir frumvarpinu. Ég verð að segja að ég hef orðið fyrir miklum vonbrigðum með hæstv. forseta að sjá ekki í hvaða stöðu þingið er að setja þingmenn sem eiga að ræða málið í dag ef menn ætla að halda sig við það að halda málinu á dagskrá og láta starfandi hæstv. sjávarútvegsráðherra mæla fyrir því.